SPARSIO

SPARSIO

apud Papin. Statium l. 1. Sylv. 6. v. 66.

Iam noctis propioribus sub umbris

Dives sparsio quot agit tumultus?

Huc intrant faciles emi pucllae,

Hîc agnoscitur omne, quod theatris

Auf formâ placet ————

dicebatur, cum in Theatris spectaculisque muneta spargebantur in populum: quae cuiusmodi fuerint, exponit Martial. l. 8. Epigr. 78. ubi de Ludis Stellae. E quo colligitur, aliquando Missilia, aliquando Tesseras, spargi consuevisse. Et quidem tesserae seu sphaerulae, inscripta habebant munera populo cessura, vel visarum et praesentium, vel absentium rerum: Missilia vero rem ipsam spargebant mittebantque: Qua de re vide Sueton. Xiphilinum, Alis, ex Veterib. ex recentioribus Hadr. Turnebum Adversar. l. 29. c. 9 Ios. Scaligerum ad Propertium initiô l. 4. L. Cael. Rhodig. Antiqq. Lect. l. 26. c. 6. Iust Lipsium de Amphitheatro, Phil. Beroaldum ad suetonii Caligulam c. 18. etc. Spargebant autem missilia Imperatores, ex ea parte Theatri, quam superiores aedes Seuton. in Claudio c. 21. vocat; uti e Basilica, foro imminente: sic e uperiore loco utrobique in capita inferiorum ea iacientes, quod κατα κορυφην` ῤίπτειν est Dioni l. 49. Idque sub finem Ludorum, quibus totum diem usque ad horam decimam fuisse ocupatum, docet ad Caium Suetonit c. 26. Casaubon. A THeatro transiit in Forum mos, in quo aureorum argenteorumque nummorum Sparsiones ab his, qui Consulatum inituri erant, olim fieri solitas, notum: unde ῾ϒπατεία recentioribus Graecis quaevis sparsio. Sic Gallienum ad Consulatum suum etiam matronas invitâsse, et, ne expertes illae suae munificentiae essent, singulis manum suam osculantibus, τῆς ῾ϒπατείας nomine, quaternos aureos Gallienos dedisse, refert in eo Treb. Pollio, c. 16. Vide Codinum de Off. Aulale Constantinopolit. ubi ἐπικόμβια vocat istiusmodi nummorum involucra, e Fori Constantinopolitani seu Augusteonis gradibus, in populum proici solita,

et supra passim, inprimis ubi de phrasi Consulatum edere. Speciatim vero dicebatur Sparsio, de undae croco dilutae sparsione, per latentes fistulas in Theatrum, quae Graece Κροκόρανσις, quamque nimbum vocat Martial. l. Spectacul. Epigr. 3. v. 8.

Et Cilices nimbis hîc maduêre suis.

Vide supra ubi de Croco: item voce epicomiba, Missilia, Oenanthinum, ac verbo Iacere. Ut et alia quaedam addam, Sparsio exigui pulveris, urgente necessitate, sepulturae locô erat. Horat, de Archyta Carm. l. 1. Ode 28. v. ult.

----- non est mora longa, licebit

Iniectô ter pulvere curras.

Id wuod ex Lege Attica ductum videtur, cuius meminit aelian. Var. l. 5. c. 14. ῝Ος ἂν ἀτάφῳ περιτύχῃ σώματι ἀνθρώπου, πάντως ἐπιβάλλειν αὐτῷ την` γῆν. Vide supra ubi de Cadaverum cura. In Sacris, floribus sparsa simulacra, discimus ex Papinio Statio Achilleid. l. 1. v. 289. ubi de sacris Palladis littoreae in Scyro celebratis,

Exierant, dare veris opes divaeque severas

Fronde ligare comas, et spargere floribus hastam.

Quo de ritu vide Lipsium ad Annal. 1. Taciti, de Milit. Romana l. 4. c. 5. Casp. Barthium ad Claudian. Alios, et hîc supra, ubi de Coniectu florum etc.